Skrímsli verða til í smiðjuvinnu

Þjóðsaga segir að í Hafravatni búi Nykur. Nykur er gömul íslensk kynjaskepna og er áþekkur venjulegum hesti. Hann er oftast grár á lit, úfinn og með öfuga hófa. Út frá þessari sögu hafa nemendur í öðrum bekk verið að búa til sín eigin skrímsli sem búa í Úlfarsárdalnum. Hér í dalnum leynast nefnilega ýmsir vættir. Eitt skrímslið á griðarstað í óbyggðum húsum hverfisins og lifir á steypu. Annað þessara skrímsla er bananaskrímslið. Hér á eftir er að finna brot úr sögu þessa skrímslis:

„Þetta skrímsli er 360 ára og varð til úr moldinni í Hafravatni. Úlfur var fyrstur manna til að finna þetta skrímsli. Sagan segir að ef fólk horfir í augu þessa skrímslis þá breytist það í banana. Skrímslið fer á stjá þegar tunglið er eins banani í laginu og þá er eins gott að vara sig...“

Hægt verður að vita meira um bananaskrímslið og hin skrímslin á næstu smiðjulokum!

Eurovision partý í Dalskóla

Börnin á Trölladal og Álfabjörgum hafa beðið með mikilli eftirvæntingu eftir Eurovision. Þau hafa teiknað fána þátttökulanda, skoðað kort af Evrópu og merkt inn á hvar löndin eru staðsett. Þau bjuggu líka til íslenska fánann og veifur í tilefni stóra dagsins. Það verða því afar spennt börn sem setjast fyrir framan sjónvarpsskjáinn í kvöld og fylgjast með framlagi okkar.

Í dag héldu börnin svo heljarinnar Eurovision partý á sal skólans. Þar var mikið dansað og sungið og að lokum kom fréttamaður og myndatökumaður frá Stöð 2 í heimsókn til að mynda herlegheitin og taka viðtöl við nokkur barnanna. Það má því búast við því að Dalskóli komi fyrir í fréttatíma kvöldsins.

Flottir fiðlutónleikar á föstudag

Síðastliðinn föstudag kom fiðlukór frá Svíþjóð í heimsókn í skólann. Kórinn heitir Vikarbyens lilla spelmannslag og hélt flotta tónleika á sal skólans fyrir leikskóla- og grunnskólabörn. Góður rómur var gerður af tónleikunum meðal barna og fullorðinna.

Fleiri greinar...