Litla upplestrarkeppnin

Litla upplestrarkeppnin var haldin við hátíðlega athöfn í Móa í morgun, 24. maí.  Nemendur í 4. bekk taka þátt í keppninni, sem er undirbúningur fyrir stóru upplestrarkeppnina sem er haldin á hverju ári fyrir nemendur í 7. bekk.   Meginmarkmið keppninar er að nemendur flytji íslenskt mál, sjálfum sér og öðrum til ánægju og að þeir hafi vandvirkni og virðingu að leiðarljósi við flutninginn.  Keppnishugtakið felur eingöngu í sér það markmið að keppa við sjálfan sig, verða betri í dag en í gær. 

Nemendur í 4. bekk lásu ljóð og sögur fyrir foreldra og forráðamenn.  Einnig voru tónlistaratriði í boði nokkurra nemenda í 4. bekk; Sigþór Ari Vattnes Helgason spilaði á píanó, Anna Soffía Ólafsdóttir spilaði á fiðlu og Elfa Ágústsdóttir spilaði á þverflautu.  Helena Sirrý Magnúsdóttir, 7. bekk sem var fulltrúi Dalskóla í stóru upplestrarkeppninni, las upp ljóð.  Nemendur stóðu sig með eindæmum vel, enda búnir að leggja mikið á sig.

Prenta | Netfang

Barnamenningarhátíð 2018 - Opnun sýningarinnar Reykjavík borgin okkar

Í gær, þriðjudag var sýningin "Reykjavík borgin okkar" opnuð á Kjarvalsstöðum.  Sýningin sem er samsýning leikskólabarna í leikskólahluta Dalskóla og leikskólans Sæborgar er afrakstur áframhaldandi vinnu, þar sem börnin könnuðu og upplifðu borgina á sinn hátt.  Sýningin mun standa fram til sunnudagsins 22. apríl og hvetjum við alla til að koma og skoða þessi flottu verk, sem börnin hafa verið að vinna að í vetur.

Prenta | Netfang

Páskar 2018

páskamynd

Páskafrí grunnskólabarna hefst mánudaginn 26. mars.  Börnin mæta aftur í skólann þriðjudaginn 3. apríl.

Þessa daga verður Úlfabyggð opin fyrir þau börn sem þangað hafa verið sérstaklega skráð í lengda viðveru.

Leikskóladeildir verða opnar eins og venjulega, en við viljum biðja ykkur að láta vita á viðkomandi deild, ef börn á leikskólaaldri verða í fríi þessa daga.

Prenta | Netfang

Fleiri greinar...