1. gr.

Félagið heitir Nemendafélag Dalskóla og er skammstafað NFDS.

2. gr.

Aðsetur NFDS skal vera í Dalskóla

3. gr.

Hlutverk nemendaráðs er að vinna að félags-, hagsmuna- og velferðarmálum nemenda.

4. gr.

Tilgangur félagsins er að halda uppi félagsstarfi í skólanum, efla félagslegan áhuga nemenda og standa vörð um hagsmuni og velferð allra nemenda skólans.

5. gr.

Í nemendaráði eru átta fulltrúar og skipast þannig: formaður, varaformaður,  og 6 meðstjórnendur.  Kjörgengir eru þeir sem eru í NFDS.  Formaður skal vera úr 10. bekk og varaformaður úr 9. eða 10 bekk. Í stjórn skal einnig skipa  að minnsta kosti einn úr 8. eða 9. bekk.

6. gr.

Nemendaráð skipar sjálft ritara á hverjum fundi.

7. gr.

Fulltrúar í nemendaráði skulu vera öðrum nemendum skólans jákvæð og uppbyggileg fyrirmynd, jafnt innan skóla sem utan.

8. gr.

Nemendaráð kemur að jafnaði saman til fundar fjórum sinnum í mánuði . Fulltrúar bera upp mál til umfjöllunar. Einfaldur meirihluti nægir til þess að samþykkja mál innan nemendaráðs.

9. gr.

Nemendaráð getur stofnsett nefndir til að annast ákveðin verkefni, t.d. ritnefnd, árshátíðarnefnd, skreytinganefnd og geta allir nemendur í 8-10.bekk gefið kost á sér í nefndir.

Formaður hverrar nefndar skal vera valinn af nemendaráði og vera í því.

10. gr.

Nemendaráð er tengiliður nemenda við skólayfirvöld og hefur yfirumsjón með félagsstarfi við skólann. Nemendur geta talað við fulltrúa í nemendaráði til að koma málum á framfæri við skólastjórnendur eða skólaráð.

11. gr.

Endurskoða skal þessi lög í upphafi hvers skólaárs.